من أيام وتحديدا في مدينة الإسكندرية كان فيه أمطار شديدة أدت إلى إن بعض شوارع المدينة تغرق وأعاقت حركة الناس وده طبعا لسوء البنية التحتية ومنظومة الصرف الصحي، بس عموما ده مش موضوعنا.
أعتقد كتير قوي مننا - إن لم يكن كل الناس - شافو الصورة الموجودة في أول الموضوع أو الفيديو الخاص بيها. دي ناس اتصرفت، جابو مركب وإبتدوا ينقلو الناس أو البضائع سواء ده مجانا أو بمقابل!
طبعا مواقع التواصل الإجتماعي كانت مليئة بالتعليقات الساخرة على أداء الحكومة وعلى الحالة اللي وصلنالها للأسف وعلى وسيلة المواصلات الجديدة اللي ظهرت في البلد! بس بالرغم من ذلك كان فيه ناحية إيجابية للموضوع مش كتير اتكلمو عليها!
أنا شايف ان الناس دي عظيمة رغم بساطتها!!
بدال البكاء على اللبن المسكوب ووقف الحال! فكرو بطريقة تانية! فكرو بره الصندوق!
فكرو ازاى يمشو حالهم وحال ناس تانيه معاهم بفكرة جديدة "مركب في الشارع"
الناس البسيطة دي مثال حى لناس قدرت تحول محنتها لمنحة.
ليست هناك تعليقات:
إرسال تعليق